पुण्यात भाजप युवा मोर्चा सचिवाच्या बॅगमध्ये पिस्तूल आणि 28 काडतुसे, प्रवासादरम्यान एअरपोर्टवर अटक!
दिपसागर न्यूज ऑनलाइन पोर्टल सेवा:
पुण्याहुन हैद्राबादला निघालेल्या दिपक काटे नावाच्या प्रवाशाच्या बॅगमध्ये पिस्तुल आणि 28 जीवंत काडतुसे आढळून आल्यानंतर पुणे एअरपोर्टवरील सुरक्षा यंत्रणेकडून दिपक काटेला अटक करण्यात आली आहे.
पुणे : बीड जिल्ह्यातील सरपंच हत्याप्रकरणावरुन सध्या राजकारण चांगलंच तापलं असून पोलिसांनी अवैध शस्त्र बाळगणाऱ्यांविरुद्धही कारवाईला सुरुवात केली आहे. विशेष म्हणजे काही दिवसांपूर्वी व्हिडिओ व्हायरल झालेल्या बीडमधील कैलास फड याच्याविरुद्ध गुन्हा दाखल करुन पोलिसांनी आता त्यांचा शस्त्रपरवाना रद्द केलाआहे. एकीकडे बिडमध्ये ही मोहीम जोरदारपणे चालवली जात असताना, दुसरीकडे भाजप युवा मोर्चाच्या पदाधिकाऱ्याकडे पिस्तुलसह 28 काडतुसे आढळून आली आहेत. पुण्याहून हैदराबादला जात असतानाच्या प्रवासात हे शस्त्र आढळून आले असून पोलिसांनी ते जप्त केलं आहे. याप्रकरणी, पुढील तपास सुरू आहे. विशेष म्हणजे या व्यक्तीचे भाजपच्या बड्या नेत्यांसोबत फोटोही सोशल मीडियावर पाहायला मिळत आहेत.
पुण्याहुन हैद्राबादला निघालेल्या दिपक काटे नावाच्या प्रवाशाच्या बॅगमध्ये पिस्तुल आणि 28 जीवंत काडतुसे आढळून आल्यानंतर पुणे एअरपोर्टवरील सुरक्षा यंत्रणेकडून दिपक काटेला अटक करण्यात आली आहे. दिपक काटेला पुणे विमानतळ पोलीस स्टेशनमधील पोलीसांच्या हवाली करण्यात आलंय. दिपक काटे हा मुळचा जिल्ह्यातील इंदापूरचा रहिवाशी असून तो भारतीय जनता पक्षाचा कार्यकर्ता आहे. शिवधर्म फाऊंडेशन या संघटनेचा संस्थापकही आहे.शिवधर्म फाऊंडेशन या संघटनेचा संस्थापकही आहे. सोशल मिडीयावर त्यांचे अनेक भाजप नेत्यांसोबत सार्वजनिक कार्यक्रमांमधील फोटो दिसून येत असल्याने त्याच्याबद्दल वेगवेगळ्या चर्चा सुरु झाल्या आहेत. भाजपचे प्रदेशाध्यक्ष चंद्रशेखर बावनकुळे, हर्षवर्धन पाटील, राम सातपुते, मुरलीधर मोहोळ या नेत्यांसोबत त्यांचे फोटो पाहायला मिळत आहेत. एअर पोर्टच्या आतमध्ये प्रवेश करताना मेटल डीटेक्टरच्या सहाय्याने त्याच्याकडील बॅगचे चेकींग झाले, असता त्यामधे पिसल आणि काडतुसे असल्याचे सुरक्षा रक्षकांना लक्षात आले. त्यानंतर त्याच्याकडील काटेरी बॅग उघडून पाहिली असता आतमध्ये 7.65 कॅलीबरचे पिस्तुल, दोन मॅगझीन आणि 28 जिवंत काडतुसे आढळून आली आहेत. या घटनेनंतर विमानतळ पोलिसांनी तात्काळ त्याच्याकडील पिस्तुल व त्यालाही ताब्यात घेतलं असून गुन्हा दाखल करण्याची कारवाई सुरू आहे.
